مديرة مدرسة تزوجت زوج احدى المعلمات قصة حقيقية حدثت في دولة خليجية

الإثنين يوليو 02, 2012 8:30 pm

مديرة مدرسة تزوجت زوج احدى المعلمات
قصة حقيقية حدثت في دولة خليجية
ماذا فعلت المديرة بالمعلمات ؟

عادت مديرتنا الفاضلة بعد غياب دام مدة أسبوع أو يزيد
فاستقبلتها معلماتها بكل ود وترحيب، حامدين الله على سلامتها
لانها كانت مثال للأخلاق وحسن التعامل مع الكل دون استثناء
المعلمات : الحمدلله على السلامه استاذه عسى ماشر وشفيك
غايبه كل هاذي المدة ....
المديرة : الشر مايجيكم ابد إن شاء الله.. الحقيقة أنا تزوجت!!!
المعلمات : ماشاء الله.... ومن هو سعيد الحظ اللي تزوجتيه
والف مبارك منك العيال ومنه المال ..
المعلمات : وليه مابشرتينا الله يهديك علشان ندعي لك؟
المديرة : أبداَ أنا تزوجت واحد من ازواجكم!!!
تساءلت المعلمات وهن في حالة صدمة ومفاجأة:
زوج مين تزوجتي؟؟؟

وكل وحده منهن إيدها على قلبها لاتكون المديرة خذت زوجها
المديرة : مو لازم تعرفون !!.
المعلمات : الا تكفين علمينا زوج مين اللي تزوجتيه
علشان مانشكك برجالنا!!!
المديرة : ملزمين تعرفون . ؟
المعلمات كلهن بصوت واحد: ايوه ملزمين !!
المديرة : طيب بشرط .
المعلمات: وشو الشرط.؟
المديرة : بكرة كل وحدة منكم تجيب معها خمسمية ريال
واذا جت توقع للحضور الصباحي تحط الخمسمية على دفتر الحضور
والتي آخذ فلوسها ... معناه آني ماتزّوجت زوجها
والي ما آخذ فلوسها ...هذي هي اللي تزوجت زوجها
حرام آخذ زوجها ...وفلوسها .
المعلمات : طيب بكرة بنجي ونجيب الخمسمية والله يستر
وفي الصباح الباكر اليوم التالي
المعلمات جايين وكل وحدة معها الـ500 ريال
وقعت اول معلمة حطت الفلوس أخذتها المديرة
المعلمة تنفست الصعداء انه ليس زوجها
لأن المديرة اخذت الخمسمية!!
وبدأ توقيع المعلمات وكل وحدة تجي توقع تحط الخمسمية
ويبدأ قلبها يدق إلى أن تاخذها المديرة
والمديرة تاخذ الفلوس إلى أن وصلت للمعلمة الحادي عشر
حطت الخمسمية على الدفتر ووقعت لكن المديرة ما أخذتها
المعلمة : خذيها ليه شوية...؟؟ احط الف؟؟؟؟ .
المديرة : اعذريني
المعلمة ساكته . بدت تحس بحزن شديد
المديرة : رفعت راسها بهدوء ونظرت اليها وقالت :
جوااااااااااااااااااهر ....وسحبت الخمسمية ريال
فرحت المعلمة جدا لأن المديرة أخذت الخمسمية
جت اللي بعدها واللي بعدها والمديرة تلعب بأعصابهن
إلى أن وصلت المعلمة الـ23
جمعت المديرة حوالي 11500 ريال لكن كان
هناك معلمة غايبة اتصلت عليهم قالت معليش ماقدرت أجي
لكن علموني زوج من اللي تزوجته المديرة؟؟؟؟
المعلمات : الى الان ماندري كلنا أخذت فلوسنا باقي انتي
المعلمة الغايبة : بدت تحس بخوف
المديرة : ها خلصو المعلمات؟؟
المعلمات : لا باقي فلانة غايبة
جت المعلمة الغايبة في اليوم التالي وجابت معها خمسمية
وحطتها على دفتر التحضير ووقعت
المديرة اخذت الفلوس وسكتت
المعلمات مستغربات من المديرة اللي اخذت كل الفلوس
وبدأن يسألن أنفسهن يا ترى زوج من فينا اللي تزوجته المديرة؟
المديرة طلبت من جميع المعلمات الحضور لاجتماع طارئ
المعلمات بدت قلوبهن تدق لانهن قالوا اكيد رح تخبرنا منهو
المديرة للمعلمات: طبعا انا جمعت منكم 12000 ريال
والحقيقة بصراحة أنا ماتزوجت
بل كنت في دورة تدريبية خاصة
لكن يا بنات صار لي سنة وأنا اطلب منكم تتبرعون لمصلى المدرسة
ولكن ولا وحدة منكن عطتني ريال واحد
وبصراحة الفلوس اللي جمعتها منكم ماراح ارجعها لكم
ورح نباشر بنصلح فيها المصلى ونرتب مدرستنا
ونشتري كتيبات للمصلى وهدايا للطالبات المتميزات
صاحت المعلمات بصوت واحد: فدوة لك كل الفلوس وان حبيتي نزودهم
اهم شي انك ماتزوجتي واحد من ازواجنا

النهاية