الرئيسية
البوابة
أحدث الصور
التسجيل
دخول
البرنسيسةمشرفة عامة
- عدد المساهمات : 49
تاريخ التسجيل : 04/10/2011
العمر : 30
الموقع : بغداد
الدنيا مو دنية عشك يا ابن الحلال او لا تخلينة ابمحبتك ننجبر
الثلاثاء يوليو 10, 2012 6:35 pm
الدنيا مو دنية عشك يا ابن الحلال او لا تخلينة ابمحبتك ننجبر }،،،
الدنيا مو دنية عشك يا ابن الحلال
او لا تخلينة ابمحبتك ننجبر
انتة ابن العافية وابن الدلال
واحنة ولد الموت ربانة الفقر
وبينة وبينك فرق كلش جبير
وما نكول اسباب كل هذا الفرق
وما نكمل السالفة لحد الاخير
امن الاساس اوياك مسدودة الطرق
اوياك ما نرهم وما ترهم محال
ويانة ما تكدر تدوم وتستمر
وياهو الكالك بالسهل درب الوصال
وانت تدري اكلوبنة امورثة جمر
امنين اجيت وبالعشك عندك يقين
امنين اجيت وياهو سوالك درب
انطيني مهلة وخل اشوفن وضعي زين
وخل اشوف النوب هم اكدر احب
كلبي تيهتة وشرد ما ادري وين
وانا صار اسنين ما عندي كلب
وخالي كلبك وانت بعيونك جمال
وكل جمال الكون يمك يعتذر
نبع شفتك يعني كلماتك زلال
والعطش بالروح تارك جم فطر
الدنيا مو دنية عشك يا ابن الحلال
ولا تخلينة بمحبتك ننجبر
راجع افكارك بعد ما عندك مجال
ليش بية اتريد كلبك ينكسر
الدنيا مو دنية عشك يا ابن الحلال
ولاتخلينة بمحبتك ننجبر
احنة عدنة الحب يعني الحب عذاب
او لازم من انحب نذب بالحب فلك
لازم انحب باب بيتك والتراب
ونحب كلشي العايد وراجع الك
ونحب ناسك كلهة شيب ويا الشباب
او لازم انحب كل عمامك وية اهلك
او لازم انحبك نحب الخال خال
وكل هذني اشوية لا تكول اشكثر
احنة ما عدنة العشك صفنة وخيال
احنة من انحب نطك وننفجر
الدنيا مو دنيا عشك ياابن الحلال
ولاتخلينة بمحبتك ننجبر
انخاف من حبك لان حبك جديد
ذهب جنه وياهو اليشوفة انعجب
والمشاعر فقره معضدها حديد
وانت يم الفقره لطلع الذهب
وياك مانصقل بعد لا مانعيد
عوفنه ولتكول بينولي السبب
احنة ماعدنة جواب الأي سؤال
لان من شفناك تيهنه الفكر
هم شفت فد يوم كالو للدلال
ليش متحملة حضن نار الحطب
الدنيا مو دنيا عشك ياابن الحلال
ولاتخلينا بمحبتك ننجبر
silent hellعضو جديد
- عدد المساهمات : 1
تاريخ التسجيل : 05/10/2011
العمر : 35
رد: الدنيا مو دنية عشك يا ابن الحلال او لا تخلينة ابمحبتك ننجبر
الثلاثاء نوفمبر 27, 2012 2:02 am
روووووووووووعة دوم هلتالق والابداع
صلاحيات هذا المنتدى:
لاتستطيع الرد على المواضيع في هذا المنتدى