ما غافل جنت ,, للشاعر جبار رشيد

قد تأخذنا الغفلة في بعض الاحيان فلا نرى الصورة الحقيقة للبعض من الناس
وقد تستمر بنا الحياة لنرى الصورة الواضحة وعمقها وكل ما فيها
وننظر لها من كل الزوايا لكن كطابع مجتمعي تغلب علينا صفة المجاملة
لامور عديدة بالتأكيد ونجبر عليها احيانا كثيرة
لكن في الحب هل تكون للمجاملة حضور ,, ؟! بالتأكيد لا
فصورة الحبيب لابد ان تكون بكل القها و وضوحها

هنا قصيدة ترقبتها وانا استمع لها من شاعرها
وقرئتها كثيراً
ولأشارككم بعض نبض الشعر الشعبي لحبي الكبير له
نقلت لكم هذه القصيدة

مـــــــــــــا غافـــــــــــــــل جنت

للشاعر المتألق ,, جبــــــــــــــار رشيد
تقبلوا نقلي ولكم اعطر التحايا


,,,,,,,,,,,,,,,,,,,,,,,,,,,,,,,,,,,,

ما غافل جنت ,,

ماغافل جنت واتفاجئت بالصار
صدك جنت اعرفك واعرف شعندك
شايل طينتك بچفوفي صار هواي
چنت مجاملك ما جيبها لخدك
عشرتك كلفتني هواي بس ما اگول
خسارة انت ابقائك والربح صدك
لتظن احترگ لو شفت طولك راح
مو من عقله صدك گلبي من حبك
لازم روحي منك عود اگول تصير
وما گتلك بيوم اتجاوزت حدك
اجذب جنت اگول حزام للكلفات
كثر ما تنگطع مليت من شدك
جرفك بالجزر تطلع عيوبه هواي
ناسك كلها تشرد لو نزل مدك
مثاليتك عليمن واحنه نعرف زين
انت بداخلك هم تنگلب ضدك
ما اگدر اردك اشهد انه بهاي
كراماتك گبل ما گدرت تردك
بيك الريح لعبت ما حسبتك باب
عيب من المثل ولهذا ماردك
متمدد بروحي وگلبي جان يگول
ما تستاهل ويه خيالنه نمدك
لتگلهم احبه هواي انه اعليك
دورلك حبيب مناسب ابگدك
دورلك حبيب مناسب ابگدك